Charter Document - 05630334
| Charter Number: | 05630334 |
|---|---|
| Cartulary Title: | The Charters of the Anglo-Norman Earls of Chester, C. 1071-1237 |
| Charter Language: | Latin |
| Charter Origin: | Lay |
| Charter Type(s): | Notification |
| Date: | 1201 - 1204 |
| Date type: | Assigned |
| Resource Link(s): |
|
Charter:
Omnibus Christi fidelibus tam futuris quam presentibus ad quos presens scriptum pervenerit Rannulfus comes Cestrie salutem Notum sit vobis omnibus me suscepisse in manu et custodia et protectione mea abbatiam de Savigneio et monachos et fratres et homines et res et possessiones eorum tam in Normannia quam in Anglia sicut mea dominica Et sciatis me pro Dei amore et pro salute anime mee et antecessorum et amicorum meorum per consensum et voluntatem Clementie sponse mee concessisse et dedisse Deo et beate Marie de Savigneio et monachis ibidem Deo servientibus unam carrucatam terre in dominico meo Haie de Beningtona cum pratis congruentibus assignatis et cum communione pasturarum et mariscorum pertinente ad tantum terre in eadem villa et cum omnibus aliis eiusdem terre pertinenciis per metas et divisas illas per quas Walterus de Coventreia senescallus meus terram illam eis liberavit die qua eis eam dedi Et preterea concessi et dedi eisdem totum tenementum quod Walterus de Sonderbi tenuit in Beningtona et toftum quod Malgerus filius Gaufridi tenuit in eadem villa cum una bovata terre et pertinenciis suis Hec omnia predicta concessi et dedi prefatis monachis in puram et perpetuam elemosinam tenenda de me et heredibus meis libere quiete et honorifice soluta et quieta ab omni seculari servicio et demanda ita quod in eis nichil penitus mihi retineo nec heredibus meis nisi orationes tantum hoc tamen adiecto quod una carrucata terre in predicta villa de Beningtona quam predicti monachi pridem tenuerunt reddendo annuatim unam marcam argenti a predictis monachis mihi et heredibus meis quieta remanebit in perpetuum et similiter sepedicti monachi de illa marca argenti in perpetuum quieti permanebunt Ut autem hec mea donatio perpetue firmitatis robur optineat eam presenti scripto et sigilli mei munimine duxi roborandam Hiis testibus domina Bertraya comitissa Cestrie Thoma dispensatore Radulfo filio Simonis Willelmo Picot Waltero de Coventreia Gaufrido de sancto Bricio Iuhello de Lovingneio Iohanne de Pratellis Petro clerico de Cestria et multis aliis Datum apud Wadingtonam
Source (click image below to view full size)
