Charter Document - 05630333

Charter Document - 05630333


Charter Number: 05630333
Cartulary Title: The Charters of the Anglo-Norman Earls of Chester, C. 1071-1237
Charter Language: Latin
Charter Origin: Lay
Charter Type(s): Grant
Date: 1203
Date type: Assigned
Resource Link(s):

Charter:

Notum sit presentibus et futuris quod ego Rannulfus comes Cestrie dedi et concessi et presente carta sigilli mei munimine roborata confirmavi Deo et beate Marie de Alneto et monachis ibidem Deo servientibus totum tenementum quod Rannulfus Columbel tenebat de me in parco meo de Treveriis cum omnibus pertinentiis suis et octo solidos Andegavensium de viginti quinque solidis Andegavensium quos Willelmus Wac reddebat michi annuatim de feodo quod tenebat de me in parco meo de Treveriis Hanc autem donationem feci Deo et dictis monachis anno ab incarnatione domini mcciii pro salute anime mee et omnium antecessorum et heredum meorum in puram et perpetuam elemosinam liberam omnino et quietam uno die per annos singulos ad pietanciam monachorum assignatam Testibus hiis Petro Rualdo Radulfo Recuchon Iohanne de Pratellis Frederico Malis Manibus Henrico dispensatore Iohanne de Escagel Willelmo de Lambala

Source (click image below to view full size)