Charter Document - 05630332
| Charter Number: | 05630332 |
|---|---|
| Cartulary Title: | The Charters of the Anglo-Norman Earls of Chester, C. 1071-1237 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1201 |
| Date type: | Assigned |
| Resource Link(s): |
|
Charter:
Ranulfus comes Cestrie omnibus senescallis et baillivis et servientibus suis et omnibus Christi fidelibus ad quos presens carta pervenerit salutem Noverit universitas vestra me pietatis et caritatis intuitu pro salute anime mee et antecessorum et heredum meorum dedisse et concessisse et presente carta sigilli mei munimine roborata confirmasse Deo et beate Marie de Alneto et monachis eiusdem loci liberam omnino quietantiam ab omni teloneo et passagio et consuetudine et omnimodi exactione in vendendis et emendis et transferendis et commutandis omnibus que ipsi vel homines sui assecurare poterunt propria esse dictorum monachorum in feriis et mercatis meis et in omnibus locis et terris dominationi mee subiectis Quare volo et firmiter precipio quod dicti monachi prescriptam libertatem et quietantiam plenarie habeant et possideant in puram et perpetuam elemosinam liberam omnino et quietam Prohibeo etiam super forisfactum meum centum solidorum ne aliquis meorum aliquo tempore aliquo loco aliqua occasione dictos monachos super his disturbare vel molestare presumat Actum fuit hoc apud Breceium anno ab incarnatione domini MCCI Testibus [hiis Radulfo de] Clincampo Willelmo Bacon Nicholao Chamberlenge Silvano de Clincampo Ricardo Bacon [et multis ali]is
Source (click image below to view full size)
