Charter Document - 05630326
| Charter Number: | 05630326 |
|---|---|
| Cartulary Title: | The Charters of the Anglo-Norman Earls of Chester, C. 1071-1237 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1198 - 1217 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit Ranulfus comes Cestrie salutem Noverit universitas vestra me pro animabus patris mei et matris mee et omnium antecessorum et successorum meorum dedisse et concessisse et presenti carta mea confirmasse Deo et beate Marie et commune canonicorum Lincolniensis ecclesie unam bovatam terre in territorio de Hundeby cum toftis et croftis que Nicholaus Bec de me tenuit habendam et tenendam cum omnibus pertinenciis suis infra villam et extra villam in puram et liberam et perpetuam elemosinam solutam et quietam ab omni seculari servitio et exactione salvo mihi et heredibus meis uno tofto quod ad predictam bovatam pertinuit quod Colswainus tenuit quod in manu mea retinui Et ego Ranulfus comes et heredes mei warentizabimus memoratis canonicis prefatam bovatam cum toftis et croftis et omnibus pertinenciis suis excepto crofto quod Colswainus tenuit sicut dictum est contra omnes homines in perpetuum Ut autem hec mea donatio firma et stabilis permaneat eam presenti scripto et sigilli mei appositione corroboravi Hiis testibus Waltero de Coventreia tunc senescallo meo Radulfo filio Symonis Gilberto de Welle Philippo de Be Henrico dispensatore Amando Alano de Martona Thoma ostriciario Henrico de Totingtona Roberto de Bolonia Thoma de Pleseleia Radulfo Carbunel Alano filio Raingoti et aliis
Source (click image below to view full size)
