Charter Document - 05630324

Sciant omnes tam presentes quam futuri quod ego Rannulfus comes Cestrie concessi et presenti carta mea confirmavi Martino de Wassinburc clerico meo et heredibus suis concessionem et donationem quam Willelmus le Grant de Blitun fecit per concessionem et assensum heredum suorum in curia mea apud Bulingbroc predicto Martino et heredibus suis pro homagio suo et servitio scilicet duas bovatas terre in territorio de Kirkebi cum toftis et croftis cum pratis et pasturis et cum omnibus ad predictos bovatas terre pertinentibus scilicet cum Alano filio Ingelais et cum tota secta sua et cum Hugone Moderles et tota secta sua et cum omnibus pertinentiis earundem duarum bovatarum quarum scilicet Sewinus tenuit unam et Reginaldus faber tenuit aliam tenendas predicto Martino et heredibus suis de memorato Willelmo le Grant et heredibus suis in feodo et hereditate libere et quiete et honorifice ab omni servitio et consuetudine reddendo annuatim ab eodem Martino et heredibus suis predicto Willelmo et heredibus suis unam libram piperis ad festum sancti Botulfi pro omni servitio tam forinseco quam alio vel sex denarios pro libra piperis et in optione memorati Martini et heredum eius erit utrum reddat libram piperis vel sex denarios Et has bovatas duas terre predictus Willelmus le Grant et heredes sui sepedicto Martino et heredibus suis vel quibuscumque voluerit eas concedere et dare contra omnes homines in soca de Bolinbroc warantizabunt Quod ut ratum et inconcussum permaneat in posterum presentis scripti testimonio et sigilli mei patrocinio confirmavi Testibus hiis Freelin Malesmains Iohanne de Pratellis Nicholao filio Alani Radulfo Recucon Philippo de Keles Iohanne de Wassinburc et aliis quampluribus