Charter Document - 05630319

Charter Document - 05630319


Charter Number: 05630319
Cartulary Title: The Charters of the Anglo-Norman Earls of Chester, C. 1071-1237
Charter Language: Latin
Charter Origin: Lay
Charter Type(s): Confirmation
Date: 1200
Date type: Assigned
Resource Link(s):

Charter:

Omnibus sancte matris ecclesie filiis ad quos presens pagina pervenerit Rannulfus comes Cestrie salutem Ad universitatis vestre volo venire noticiam me concessisse et presenti carta mea confirmasse Deo et ecclesie sancti Stephani de Plessicio et canonicis sub regulari disciplina ibidem Deo servientibus omnes donationes quas Philippa de Rosello filla Hugonis de Rosello eis fecit de feodo meo scilicet ecclesias que sunt de feodo eiusdem Philippe in episcopatu Baiocarum possidendas integre et quiete cum omnibus decimis et pertinentiis suis scilicet ecclesiam sancte Marie de Atreio cum omnibus decimis et terris et appendiciis eiusdem ecclesie et ecclesiam sancti Vigoris de Meseretis cum omnibus terris et decimis et appendiciis suis et capellam sancti Laurentii de Alnetis et ecclesias de Rosello videlicet ecclesiam sancti Petri et ecclesiam sancti Martini cum decimis et terris et pratis et elemosinis ad easdem ecclesias pertinentibus et preterea quinque acras terre quas Hugo de Rosello pater predicte Philippe dedit predictis canonicis apud Glatigne et decimam molendini de Meseretis et mansuram Rogeri clerici cum virgulto et terra adiacente et Philippa prenominata omnino dimisit calumpniam quam habebat super predictam mansuram et terram quam Rogerus clericus de predicta Philippa tenebat apud Rosel scilicet novem acras terre quam terram sepedicta Philippa in manu Henrici Baiocensis episcopi resignavit qui presente eadem Philippa et assensum prebente terram illam cum omnibus pertinentiis suis tam in blado quam in denariis et regardis et aliis rebus dictis canonicis in perpetuam elemosinam libere et quiete possidendam tradidit Preterea concessi et confirmavi eisdem canonicis mansuram de La Bretonera que est inter domum Ricardi Berenger et mariscum fabri de Rosel et duas percas terre que sunt in capite virgulti Philippi Normanni assensu et concessione eiusdem Philippi et medietatem campi Villule cuius alteram partem possident monachi de Alneto et apud Atreium totum tenementum Willerini filii Radulfi filii Durandi et clausum quod est inter cimiterium et terram que fuit Putois Concedo etiam et confirmo eisdem canonicis donationem illam quam eis fecit Rogerus Escote assensu et concessione fratrum suorum Willelmi Roselli et Willerini Escote de campo de Cruce qui est ante domum Rogeri Drogun quem Philippa de Rosel dederat predicto Rogero pro servicio suo Omnes predictas terras et ecclesias et donationes concedo et confirmo sepedictis canonicis in perpetuum possidendas libere et quiete sicut carte supradicte Philippe testantur Hiis testibus Drogone abbate sancti Severi Radulfo archidiacono Baiocensi Gaufrido fratre suo Roberto de Biuvilla decano Hugone de Coulonciis Rannulfo de Praeris Petro Roaud Gaufrido de sancto Bricio Hugone de Noiers monacho sancti Severi et aliis multis apud Similleium

Source (click image below to view full size)