Charter Document - 05630299
| Charter Number: | 05630299 |
|---|---|
| Cartulary Title: | The Charters of the Anglo-Norman Earls of Chester, C. 1071-1237 |
| Charter Language: | Latin |
| Charter Origin: | Lay |
| Charter Type(s): | Agreement |
| Date: | 1223 |
| Date type: | Internal, A.D., Feast |
| Resource Link(s): |
|
Charter:
Hec est convencio facta inter dominum Ranulfum comitem Cestrie et Lincolnie et Gilbertum de Beningwrthe scilicet quod predictus Gilbertus dimisit predicto Ranulfo comiti Cestrie et Lincolnie septem bovatas terre in Beningwrthe cum omnibus pertinenciis infra villam et extra a festo sancti Martini anno ab incarnacione domini mccxxiii usque in viii annos scilicet illas duas bovatas quas Ranulfus de Northorp tenuit et unam bovatam quam Ertusius filius Walteri tenuit et duas bovatas quas Walterus filius Willelmi tenuit et duas bovatas quas Ertusius filius Walteri tenuit illi et heredibus suis vel cui terram illam assignare voluerit tenendam et habendam cum predictis hominibus libere et quiete usque ad terminum prenominatum pro quadraginta marcis argenti quas ipse Rannulfus comes dedit predicto Gilberto pre manibus Et predictus Gilbertus et heredes sui warantizabunt predicto Rannulfo comiti et heredibus suis et eius assignatis predictam terram cum hominibus prescriptis et omnibus aliis pertinenciis usque ad terminum predictorum octo annorum contra omnes homines Hiis testibus domino Philippo de Orreby iusticiario Cestrie Aluredo de Suligni Iohanne filio Philippi Eudone de Kaletoft Radulfo filio Simonis Gilberto Cusin tunc senescallo Radulfo Hardwin Petro de Edlingtona Ketebern de Kales Alano filio Reingot Thoma de Totington et aliis
Source (click image below to view full size)
