Charter Document - 05630293
| Charter Number: | 05630293 |
|---|---|
| Cartulary Title: | The Charters of the Anglo-Norman Earls of Chester, C. 1071-1237 |
| Charter Language: | Latin |
| Charter Origin: | Lay |
| Charter Type(s): | Gift |
| Date: | 1220 - 1221 |
| Date type: | Assigned |
| Resource Link(s): |
|
Charter:
Universis sancte matris ecclesie filiis presentibus et futuris Rannulfus comes Cestrie et Lincolnie salutem Sciatis me concessisse et hac mea carta confirmasse Deo et ecclesie sancte Marie et monachis de Kyrkested in puram et perpetuam elemosinam sedem molendini sui iuxta Lithlefen in campis de Methringham et stagnum eiusdem molendini et refluvium aque et illud modicum terre quod iacet ante portam ipsius molendini et calcedam suam ultra Lithlefen quantum de hiis omnibus pertinet ad feodum meum similiter et totam terram et brueriam que est de feodo meo ab oriente de Lithlefen scilicet terram lucrabilem quam homines Philippi de Kyma tenuerunt et quicquid ipsis monachis fuit concessum et donatum de feodo meo in terris arabilibus in pratis in mariscis in pascuis in boscis et in omnibus aliis locis ante diem Natalis Domini anno incarnationis dominice mccxviii tenenda et habenda libere et quiete secundum libertates que continentur in cartis donatorum suorum Et sciendum quod ego et heredes mei pro defectu servicii nostri non distringemus tenementum ipsorum monachorum quamdiu per aliud tenementum de ipso feodo districtionem facere poterimus Hiis testibus []
Source (click image below to view full size)
