Charter Document - 05630292
| Charter Number: | 05630292 |
|---|---|
| Cartulary Title: | The Charters of the Anglo-Norman Earls of Chester, C. 1071-1237 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1198 - 1217 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis presentibus et futuris Rannulfus comes Cestrie salutem Sciatis me concessisse et hac mea carta confirmasse Deo et ecclesie sancte Marie et monachis de Kyrkested in puram et perpetuam elemosinam tria tofto cum croftis suis in villa de Beningword in loco qui vocatur Pitsic quem Willelmus filius Aselini et Willelmus Pigge et Walterus filius Gode tenuerunt ad unam grangiam edificandam et cetera edificia construenda cum ipso rivulo de Pitsic et unum toftum in Suthorp quod Rogerus Canion tenuit ad bercarias suas faciendas et quindecies viginti acras terre arabilis ex una parte ipsius ville et quatuordecies viginti et quindecim acras et unam perticam et quinque fallas terre arabilis ex altera parte ville per perticam ipsius ville Et preterea concessi quadraginta et unam acras et dimidiam prati in Sutheng et viginti acras prati in Breithesegges versus divisas de Sottebi Concessi etiam eis communem pasturam quingentis ovibus per maius centum per totos campos predicte ville et similiter ad averia que excolunt terram predictam et ad unum taurum et decem vaccas cum sequela sua usque ad tercium annum perimpletum et ad viginti porcos Hec omnia concessi et confirmavi predictis monachis de Kyrkested habenda et tenenda libere et quiete et honorifice cum omnibus libertatibus suis sicut in carta sua quam de Gilbeito de Beningword inde habent continetur rationabiliter Hiis testibus []
Source (click image below to view full size)
