Charter Document - 05630286
| Charter Number: | 05630286 |
|---|---|
| Cartulary Title: | The Charters of the Anglo-Norman Earls of Chester, C. 1071-1237 |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1208 - 1217 |
| Date type: | Assigned |
| Resource Link(s): |
|
Charter:
Ranulfus comes Cestrie constabulario dapifero iusticiario vicecomiti et omnibus baronibus suis ministris et ballivis et omnibus hominibus suis presentibus et futuris presentem cartam inspecturis et audituris salutem Noveritis me concessisse et presenti carta mea confirmasse Petro clerico meo et heredibus suis omnes terras donaciones et assignaciones quas idem Petrus infra terram meam Cestrie adeptus est de cuiuscumque dono et feodo sunt habendas et tenendas illis et eorum heredibus vel quibus eas dederint vel assignaverint vel vendiderint cum omnibus pertinentiis suis solutas liberas et quietas de omnibus sectis comitatuum hundredorum portmotum et halmotum de theolonio passagio stallagio frithwite tallagio de assisis et summonitionibus Concedo etiam eis quietanciam de servientibus forestariis et bedellis meis pascendis de operationibus castellorum et pontium et de omni consuetudine et exactione seculari et opere servili Volo autem quod predictus Petrus et heredes sui de aliquo placito vel delicto coram aliquibus non respondeant nisi coram me vel capitali iusticiario meo nisi placita vel delicta ad curiam ecclesiasticam pertineant Et firmiter precipio super forisfacturam meam decem librarum omnibus ballivis ministris et fidelibus meis et omnibus aliis ne eis sive suis iniuriam molestiam aut gravamina faciant vel ab aliquo fieri permittant Hiis testibus Philippo de Orreby tunc iusticiario Cestrie Iohanne de Pratellis Willelmo de Venables Warino de Vernona Waltero de Coventreia tunc senescallo Hugone et Galfrido de Duttona Patricio de Modberleghe Roberto de Pulfordia Willelmo de Hasewelle Hugone de Pulfordia et multis aliis
Source (click image below to view full size)
