Charter Document - 05630281
| Charter Number: | 05630281 |
|---|---|
| Cartulary Title: | The Charters of the Anglo-Norman Earls of Chester, C. 1071-1237 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1199 - 1203 |
| Date type: | Assigned |
| Resource Link(s): |
|
Charter:
Ranulfus comes Cestrie universis clericis et laicis tam presentibus quam futuris qui hanc cartam visuri vel audituri sunt salutem Noverit universitas vestra me dedisse et concessisse Petro clerico terram illam que proxima est terre Agnetis filie Ranulfi Auchekarll cum omnibus pertinentiis suis ubi hospicium suum situm est in vico castelli Cestrie terram illam et hospicium illud tenenda et habenda illi et heredibus suis de me et heredibus meis libere et quiete ab omnibus servitiis et exacionibus et vigilliis et sectis de portmotis et ab omnibus consuetudinibus et sicut aliquis aliquod hospicium in civitate Cestrie liberius tenet aut quietius Preterea dedi et concessi predicto Petro clerico et heredibus suis quietanciam tolneti et multure de blado suo ad victum suum et familie sue in molendinis meis Cestrie in cuiuscumque manum fuerint Preterea dedi et concessi predicto Petro clerico Robertum generum Marie cum tota sequella sua hereditarie habendum et tenendum solute et quiete de me et heredibus meis Et ut hec donaciones mee in posterum rate et inconcusse permaneant eas presentis scripti testimonio et sigilli mei appositione roboravi Hiis testibus Philippo de Horrebi tunc temporis senescaldo comitis Ranulfo Praeres Roulando Avenel Petro Rualdi Galfrido Farsi Joelo de Luveni Nicholao camerario Willelmo de Verdun Thoma pincerna Geroldo hulbario Roberto et Radulfo Sarracenis Roberto camerario Andrea Marmiun et aliis
Source (click image below to view full size)
