Charter Document - 05630274

Omnibus Christi fidelibus presentibus et futuris presentem cartam inspecturis vel audituris Rannulfus comes Cestrie et Lincolnie salutem Noverit universitas vestra quod cum inspexisses cartas de fundacione ecclesie sancte Trinitatis et ecclesie sancti Egidii et religionis de Rapendona et de Cale et eas minus utiles quam oporteret invenissem misericordia motus dedi et concessi et hac presenti carta mea confirmavi pro salute anime mee et comitis Hugonis patris mei et Bertree matris mee et omnium antecessorum et successorum meorum in puram et perpetuam elemosinam Deo et sancte Marie et dicte ecclesie sancte Trinitatis de Rapendona et dicte ecclesie sancti Egidii de Kale et canonicis in eisdem ecclesiis Deo sub disciplina canonicorum regularium secundum regulam sancti Augustini in perpetuum servituris ecclesiam sancti Wistani de Rapendona cum omnibus capellis suis et omnibus aliis pertinentiis et libertatibus suis et sedem molendini et stagni sui sub curia eorum in Rapendona usque ad aquam descendentem de domo Willelmi Etebred in Trente cum attachiamento eiusdem stagni ad terram quam Reginaldus piscator aliquando tenuit et cum tota aqua ibidem descendente et totam terram que dicitur Flaxlandes iacentem inter viam et aqueductum a rivulo descendente de Shepesmor usque ad terram Willelmi de Belvaco et totam culturam quarrerie de Rapendona iuxta Trente et communam brusce de Rapendona secundum quantitatem omnium terrarum suarum in Rapendona et terram in qua sedet horreum dictorum canonicorum in Tikenhale Preterea dedi et concessi et hac eadem carta mea confirmavi Deo et beate Marie et dictis ecclesiis sancte Trinitatis et sancti Egidii et canonicis de Rapendona et de Kale que modo est membrum predicte ecclesie de Rapendona totam terram et boscum iacentes inter Schegwarebroc et Alrebroc preter magnam geilbergam cum omnibus pertinentiis suis et libertatibus et aysiamentis et sedes et attachiamenta stagnorum suorum de Kale et terram et alnetum inter duo inferiora molendina sua et inter Bollehaghe et aqueductum et quatuor bovatas terre cum omnibus pertinenciis suis in Tikenhale quas Willelmus filius Swani aliquando tenuit et duas bovatas terre cum pertinenciis suis in eadem villa quas Alina vidua aliquando tenuit et terram de Loftessco sicut fovea extendit se inter terram cultam et Rouheclives a veteri fovea usque ad viam descendentem ad fontem de Newehaghe et sicut idem fons descendit usque ad metas de Meltona et ex altera parte sicut terminus Meltone est usque ad capud de Loeftessco et ex altera parte rivuli dicte fontis culturam que vocatur Hungrehulle et attachiamentum servorii sui de Loeftessco et terram et servicium Nicholai quondam armigeri avi mei in Meltona cum pertinentiis suis et novem solidos annuos de molendino meo in Rapendona ad quatuor terminos scilicet ad festum sancti Michaelis viginti et septem denarios ad festum sancti Andree viginti et septem denarios ad annunciationem beate Marie viginti et septem denarios et ad nativitatem sancti Iohannis baptiste viginti et septem denarios et unum mesuagium in Wadingtona cum pertinentiis suis ex opposito domus persone ex altera parte vie Insuper dedi et concessi predictis canonicis curiam suam plenariam preterquam de furtis et de propriis hominibus meis et tres carettatas de bosco meo de Sudwode in qualibet septimana Has autem donaciones concessiones libertates cum omnibus pertinenciis suis in villis et extra villas in puram et perpetuam elemosinam liberas et quietas ab omni seculari servicio et exactione et demanda ego et heredes mei predictis canonicis contra omnes gentes warantizabimus in perpetuum Et ut omnia ista rata et inconcussa in perpetuum permaneant ea presenti pagina et sigilli mei appositione corroboravi Hiis testibus Willelmo de Cantelupo Willelmo de Vernona Baldwino de Ver Simon et Iohanne clericis Iohanne de Stapenhulle Radulfo de Tikenhale Willelmo filio Ricardi de Meysham Galfrido de Stantona et aliis