Charter Document - 05630267
| Charter Number: | 05630267 |
|---|---|
| Cartulary Title: | The Charters of the Anglo-Norman Earls of Chester, C. 1071-1237 |
| Charter Language: | Latin |
| Charter Origin: | Lay |
| Charter Type(s): | Quittance |
| Date: | 1194 |
| Date type: | Assigned |
| Resource Link(s): |
|
Charter:
Rannulphus dux Britannie et comes Cestrie et Richemondie omnibus tam presentibus quam futuris qui cartam istam viderint et audierint salutem Sciatis quod ego dedi et concessi Andree filio Mabilie et heredibus suis ut sint liberi et quieti de me et de meis heredibus de teloneo per totam terram meam et in aqua et in terra et in civitate Cestrie et extra et a brevibus portandis et a prisonibus capiendis et custodiendis et a namis capiendis et a vigiliis faciendis nocte vel die et a ceteris huiusmodi consuetudinibus et exactionibus nec de querela aliqua in civitate Cestrie vel extra respondeant nisi in presentia mea vel summe iusticie mee Et super forisfacturam meam x librarum prohibeo ne aliquis eos de supradictis libertatibus impediat vel inquietet sed eas libere et quiete teneant reddendo mihi et heredibus meis annuatim vi denarios ad festum sancti Michaelis Hiis testibus Bertrea comitisse Cestrie Radulfo de Meinewarin Radulfo senescallo Hugone de Boidele et Alano fratre eius Roaldo Roberto camerario Roberto Saraceno Ranulfo Dubeldai Nicholao filio Roberti Thoma fratre suo Willelmo Marmiun Ricardo Poibel Rogero clerico et multis aliis apud Cestriam
Source (click image below to view full size)
