Charter Document - 05630265
| Charter Number: | 05630265 |
|---|---|
| Cartulary Title: | The Charters of the Anglo-Norman Earls of Chester, C. 1071-1237 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1197 - 1207 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit Ranulfus comes Cestrie salutem Notum sit vobis omnibus me pro Dei amore et pro salute anime patris mei et anime mee concessisse et dedisse et hac mea carta confirmasse Deo et beate Marie de Gerondona et monachis ibidem Deo servientibus comunionem pasture per forestam meam que pertinet ad feodum de Barwa excepto parcho meo de Baroua in perpetuum habendam omnibus pecoribus suis cuiuscunque generis fuerint libere et quiete et absque omni disturbacione et unam bigam cotidie errantem per eandem forestam ad portandum ligna ad focum suum Et ego et heredes mei hanc elemosinam warantizabimus predictis monachis et contra omnes homines defensores astabimus Et preterea concessi et presenti carta confirmavi Deo et beate Marie et predictis monachis donaciones quas Robertus de Jorz et Willelmus de Jorz et Thomas dispensarius fecerunt predictis monachis de Gerondona in feodo meo de Haliwellehaga sicut carte ipsorum donatorum quas monachi inde habent testantur Volo itaque et firmiter precipio quod predicti monachi omnia predicta libere et quiete et pacifice in perpetuum possideant et prohibeo ne aliquis eos inde vexare aut molestare presumat Monachi vero predicti mihi caritative concesserunt quod post decessum meum pro me servicium facient sicut pro quodam monacho domus sue Hiis testibus Thoma Dispenser Willelmo Pichot
Source (click image below to view full size)
