Charter Document - 05630256
| Charter Number: | 05630256 |
|---|---|
| Cartulary Title: | The Charters of the Anglo-Norman Earls of Chester, C. 1071-1237 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1191 - 1194 |
| Date type: | Assigned |
| Resource Link(s): |
|
Charter:
Rannulfus comes Cestrie constabulario dapifero iusticiario ballivis et omnibus baronibus et omnibus hominibus suis Francis et Anglis tam futuris quam presentibus salutem Notum sit vobis omnibus me dedisse et concessisse et presenti carta mea confirmasse omnibus civibus meis de Cestria omnes libertates et omnes liberas consuetudines quas illi unquam melius et liberius aut quietius habuerunt temporibus aliquorum predecessorum meorum et nominatim quietantiam et relaxationem recognitionis et proportamenti in civitate Cestrie in perpetuum Et quod si civis aliquis de predicta civitate mea moriatur eius testamentum rationabiliter factum ratum et firmum habeatur ubicumque ipse moriatur Et quod si civis fecerit emptionem aliquam de clara die et coram testibus et sequela postea venerit de Francis vel de Anglis qui rationabiliter possint emptum disratiocinare civis qui illam emptionem fecerit quietus sit de me et de ballivis meis perdendo tantummodo et reddendo quod emerit si aliter non possit vendicanti satisfacere Si vero sequela evenerit de Walense qui possit rationabiliter rem emptam disratiocinare precium rei empte civi reddat quod idem civis rationabiliter poterit demonstrare se dedisse pro re empta Et quod si civis in civitate predicta de catallis suis cuiquam comodaverit liceat ei namum capere in ipsa civitate pro catallis suis recuperandis sine licencia postulata a vicecomite vel ab aliis ballivis meis Et si aliquis civis de predicta civitate in servicio meo occisus fuerit de catallis suis fiat ac si ipse rationabile testamentum fecisset Has omnes libertates predictas et liberas consuetudines predictis civibus dedi et concessi et presenti carta mea confirmavi eis et heredibus suis habendas et tenendas de me et de meis heredibus libere et quiete et pacifice in perpetuum Et prohibeo ne quis eos inde disturbet aut heredes eorum super forisfacturam meam de xx libris Hiis testibus Rogero constabulario Cestrie Radulfo de Monte Alto senescallo Cestrie Radulfo de Mesnilwarin Willelmo et Roberto Patrie Philippo de Orrebi Ricardo et Willelmo de Boidele Ricardo Phitone Liulpho de Twamlawa Rannulfo de Davenham Warino de Vernun Roberto filio Picoti Petro clerico comitis Ricardo Pisce Herberto de Pulford Willelmo de Verdun Thoma clerico et multis aliis apud Cestriam
Source (click image below to view full size)
