Charter Document - 05630242
| Charter Number: | 05630242 |
|---|---|
| Cartulary Title: | The Charters of the Anglo-Norman Earls of Chester, C. 1071-1237 |
| Charter Language: | Latin, English |
| Charter Origin: | Lay |
| Charter Type(s): | Confirmation |
| Date: | 1190 - 1194 |
| Date type: | Assigned |
| Resource Link(s): |
|
Charter:
Ranulfus dux Brittanie et comes Cestrie et Richemondie abbatibus iustic[iariis] vic[ecomitibus] ministris et omnibus fidelibus suis Francis et Anglis salutem Sciatis me concessisse et confirmasse Deo et fratribus hospitalis Ierusalem omnes donaciones terrarum et elemosinarum que eis rationabiliter facte sunt tam in ecclesiis quam in rebus et possessionibus mundanis Quare volo et firmiter precipio quod predicti fratres et eorum homines omnes possessiones et elemosinas suas habeant et teneant cum soka et saka et tol et them et infangthef et cum omnibus libertatibus et liberis consuetudinibus et quietanciis in bosco et plano in pratis et pasturis in aquis et molendinis in viis et semitis in stagnis et vivariis in mariscis et piscariis in grangiis intra burgum et extra et in omnibus locis et in omnibus rebus solutas liberas et quietas de shiris et hundredis et placitis et querelis et murdro et wappentagio et scutagio et geldis et danegeldis et hidagio et assisis et operacionibus castellorum et pontium et de fredwyta et de hengwythe et de flemenefrythe et de warpeni et averpeni et de blodwyte et de flutwyte et de hundredpeni et tethingpeni et quietas de omni tolloneo salinarum et de omnibus aliis toloneis et passagiis et pontagiis et lastagiis et stallagiis et de omni seculari servicio et exaccione et opere servili Volo etiam quod predicti fratres et omnes eorum homines in terris eorum habitantes et in eis eubantes et bevantes quieti sint ex omni putura servientium meorum et similiter de eis hospitandis et de omnibus aliis occasionibus et exaccionibus secularibus excepta sola iusticia mortis et membrorum Hec omnia eis concessi in puram et perpetuam elemosinam pro Dei amore et pro anima patris mei H comitis Cestrie et matris mee B comitissa Cestrie et puerorum et heredum meorum Hec omnia firmiter precipio ut ab omnibus fidelibus et hominibus meis illis integre teneantur super forisfacturam decem librarum sterlingorum Hiis testibus R abbate Cestrie Iohanne abbate de Combermere Roberto abbate de Pultona S abbate de Stanlawe Rogero constabulario Cestrie Roberto senescallo de Moalto Roberto de Meinegaryn Willelmo Patrico Garino de Vernoun Willelmo de Venables Hugone de Boydel Hugone de Wyco Roberto de Praers et multis aliis coram comite apud Cestriam
Source (click image below to view full size)
