Charter Document - 05630240

Ranulfus comes Cestrie constabulario suo et dapifero iusticiario vicecomiti baronibus et ballivis et omnibus hominibus suis Francis et Anglis tam futuris quam presentibus salutem Notum sit vobis omnibus me pro salute anime mee et omnium antecessorum meorum dedisse et concessisse in puram et perpetuam elemosinam deo et sancte Marie et monachis de Cumbermera et eorum successoribus unam carucatam terre in foresta mea de Maclesfeld in loco qui vocatur Winchul ad grangiam faciendam et ad prata circa terminos de Winchul et in eadem foresta pasturam sufficientem duobus milibus ovium et earum exitui quousque exitus earum sit unius anni et viginti quatuor vaccis cum duobus tauris et exitui illarum vaccarum quousque sint unius anni et sexdecim bobus et sex equis et decem equabus cum exitu illarum trium annorum Centenarius vero numerus ovium continet sexies xx oves ita quod si mihi dictum fuerit predictos monachos in predicta pastura habere plures oves quam numerum hic eis concessum per duos legales homines meos et per conversos suos numerabuntur et si plures invente fuerint a pastura ipsa sine foris factura amovebuntur si pauciores addantur si voluerint Agni autem anni preteriti singulis annis infra octavas pasche removebuntur Locus vero quem eis dedi in quo habebunt carucatam terre et prata hiis divisis distinguitur a furno comitis qui est iuxta viam que venit de Schiderford per oraliam bosci usque Quernstanesich et per Quernstansich usque ad Withienlache et per Withienlache usque Gorsthul et inde per oraliam bosci usque Grenelache et per Grenelache usque in Winchulcloch et de Winchulcloch per oraliam bosci usque ad supradictum furnum Et liceat predictis monachis predictum locum et quicquid infra has divisas predictas continetur claudere muro vel fossato vel sepi et infra clausuram illam domos suas facere ubicumque voluerint et residuum loci illius exsartare et colere vel ad prata aut alias commoditates domus sue facere quandocumque viderint expedire Do etiam et concedo predictis monachis et eorum successoribus in foresta mea prenominata de bosco meo sufficienter quicquid eis necessarium fuerit ad edificia sua et caulas et sepes faciendas et ad focum suum capiendum quandocumque sibi viderint expedire Concedo etiam predictis monachis et hominibus suis liberum transitum per totam forestam meam omni tempore anni eundi redeundi afferendi et referendi omnia que necessaria habuerint Monachi vero predicti singulis annis reddent mihi et heredibus meis pro omnibus terrenis serviciis et consuetudinibus unam marcam argenti pro omnibus scilicet die sancti Petri ad Vinculo et remittent mihi predicti monachi tres marcas argenti quas de elemosina mea singulis annis die Ulo eis dare solebam Volo itaque et firmiter precipio quod predicti monachi et eorum successores sine omni contradictione habeant et teneant hec omnia per servicium prenominatum bene et in pace inperpetuum de me et heredibus meis ita libere quiete et honorifice et absque omni terreno servicio et exactione seculari sicut ulla elemosina melius et liberius teneri potest vel concedi Et habeant omnes commoditates que ibi sunt vel que ibi fieri possunt tam subtus terram quam super inperpetuum Concedo etiam eisdem monachis quod nec ego aut heredes mei aut aliquis nomine nostro aliquod approviamentum faciemus aut aliquos homines recipiemus in predictam pasturam qui sint illis ex nimia vicinitate sua ad nocumentum et districtionem predicte pasture quoquomodo nisi de mera voluntate illorum monachorum Et ego et heredes mei hanc predictam donacionem contra omnes homines eisdem monachis warantizabimus et defendemus inperpetuum Ut autem hec nostra donacio rata et firma a me et heredibus meis inperpetuum habeatur scripti huius auctoritate et sigilli mei apposicione eam duxi confirmandam Hiis testibus Rogero constabulario Cestrie Radulfo de Monte Alto senescallo Cestrie Thoma Basset Radulfo de Masnilwarin Petro Roeaud Thoma dispensatore Warino de Vernon Radulfo filio Symonis Hugone de Boydele Ricardo et Rogero de Croylei Gaufrido et Willelmo Farsi Ricardo Pisce Ricardo de Boydele Reginaldo filio Archienbaldi Patricio de Modberlegh Thoma clerico comitis Ricardo clerico de Roudestorn et multis aliis apud Maclesfeld