Charter Document - 05630221
| Charter Number: | 05630221 |
|---|---|
| Cartulary Title: | The Charters of the Anglo-Norman Earls of Chester, C. 1071-1237 |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1190 - 1194 |
| Date type: | Assigned |
| Resource Link(s): |
|
Charter:
Ranulfus dux Britannie et comes Cestrie et Richemundie constabulario dapifero iusticiis vicec[omitibus] baronibus balivis et ministris suis et omnibus hominibus suis Francis et Anglis tam presentibus quam futuris salutem Notum sit vobis me dedisse et concessisse et hac presenti carta confirmasse deo et sancte Marie et omnibus Sanctis domum hospitalem et locum totum in quo fundata est extra portam aquilonalem Cestrie ad suscepcionem pauperum in puram et perpetuam elemosinam pro anima patris mei et animabus omnium antecessorum meorum ita libere et quiete ab omni servicio ab omni molestia et omni exaccione seculari ut in ea nichil michi retineam preter oraciones et elemosinas puras Inde est quod universitatem vestram scire volo quod predictam domum hospitalem in mea propria manu et in mea protectione suscipio ut puram et liberam elemosinam meam et precipio ut nulli servituti sit subiecta preterquam solo hospitalitati et suscepcioni pauperum Christi Omnes eciam redditus eiusdem domus omnes res et omnia iura et libertates et cetera omnia ei pro Christi nomine racionabiliter collata rata et firma habeo et sigilli mei municione confirmo et firmiter precipio super foris facturam meam ne quis sepedicti domui in aliquo detrahat aut aliquam ei molestiam inferat aut gravamen set eam pro dei amore et nostro in quantum poteritis promovere studeatis Et precipio quod per Cestresiram fratres predicti hospitalis ad predicacionem et ad elemosinarum collectionem ad pauperum sustentacionem honorifice suscipiantur Testibus Radulfo de Menilgarin Rogero filio comitis Rogero constabulario Hugone de Bosco Ale Alano de Bosco Ale Henrico de Lungocampo et Stephano fratre suo Alexandra filio Radulfi Bertram camerario Bec et multis aliis apud Cestriam
Source (click image below to view full size)
