Charter Document - 05630215
| Charter Number: | 05630215 |
|---|---|
| Cartulary Title: | The Charters of the Anglo-Norman Earls of Chester, C. 1071-1237 |
| Charter Language: | Latin |
| Charter Origin: | Lay |
| Charter Type(s): | Quittance |
| Date: | 1221 - 1229 |
| Date type: | Assigned |
| Resource Link(s): |
|
Charter:
Ranulfus comes Cestrie et Lincolnie omnibus presentem cartam inspecturis vel audituris salutem Sciatis me pro deo et salute anime mee et antecessorum meorum concessisse et dedisse et hac presenti carta mea confirmasse abbatie de Stanlawa et monachis ibidem deo servientibus in puram et perpetuam elemosinam quietanciam de me et heredibus meis inperpetuum de pultura servientium et forestariorum meorum scilicet de villa de Wynlaton Quare volo et firmiter precipio quod dicta abbatia et dicti monachi dictam quietanciam habeant inperpetuum pacifice et sine impedimento Et in huius rei testimonium presentem cartam sigillo meo munitam eis habere feci Hiis testibus Philippo de Orreby tunc iusticiario Cestrie Fulcone filio Warini Nicholao de Lettres Galfrido de Duttona Thoma de Orreby Ricardo de Sondbache Ricardo de Kingesley Roberto le Gros Venour Petro de Frodesham Ranulfo de Thorintona Simone et Petro clericis et multis aliis
Source (click image below to view full size)
