Charter Document - 05630183
| Charter Number: | 05630183 |
|---|---|
| Cartulary Title: | The Charters of the Anglo-Norman Earls of Chester, C. 1071-1237 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1168 |
| Date type: | Internal, A.D. |
| Resource Link(s): |
|
Charter:
Ego Hugo comes Cestrie concedo ecclesie sancte Marie Montisburgi donationem illam quam dederunt antecessores mei eidem ecclesie pro se ipsis et pro antecessorum et successorum nostrorum animabus scilicet decimam molendini mei de stagno de Treueris et decimam piscium eiusdem stagni et illud quod est de feudo Broc in ecclesia Gateville cum omnibus rebus eidem ecclesie de terra ipsa pertinentibus sicut Galterus Broc dedit eidem abbatie concessu antecessorum meorum Et ut donatio hec firma sit signo sancte crucis + presens scriptum confirmo et auctoritate sigilli mei munio Huius rei testes sunt Ranulfus de Grantval Haket Gaufridus de Costentin Eudo de Aniseio Rogerus de sancto Mauro Robertus filius Adam Freimbaut filius Haket Gislebertus de Treueris et Iohannes frater eius et multi alii Hec concessio facta fuit apud Treueris anno ab incarnatione domini millesimo CLXVIII
Source (click image below to view full size)
