Charter Document - 05630181

Quoniam per se labilis humana memoria monumentis litterarum et abolita recolit et nota custodit ad posteritatis noticiam ego Hugo comes Cestrie in presentia venerabilium patrum constitutus Rothroudi scilicet Rothomagensis archiepiscopi et Henrici Baiocensis et Ricardi Constanciensis episcoporum necnon et Guillelmi sancti Stephani Cadomanensis et Victoris sancti Georgii abbatum et aliorum virorum religiosorum quorum consilio et admonitione pro parvis magna pro caducis permanentia acquirere cupiens redditus et dona que antecessores mei in spe retributionis eterne et pro suaram animarum salute ecclesie beate Marie virginis et sancti Severi confessoris et monachis in eadem ecclesia deo servientibus contulerunt omnia libere et quiete et absque ulla seculari reclamatione mei vel heredum meorum predictis monachis tam in Normannia quam in Anglia in perpetuum possidenda propter summi regis amorem et eterne beatitudinis retributionem concedo et sicut in cartis super hoc confestis continetur confirmo Dono igitur et concedo totam ubi ipsa ecclesia sita est villam et omnem loci illius silve decimam venditionis scilicet arborum herbagii animalium pasnagii porcorum decimam quoque porcorum meorum et ovium et vaccarum et equarum decimam etiam venationum tam porcorum quam cervorum caprearumque decimam quoque denariorum ex placitis foreste acquisitorum Concedo etiam ut animalia monachorum cuiuscumque generis sint omni tempore quietam habeant pasturam in eadem silva Concedo etiam ut inibi habeant monachi in perpetuum qualescunque voluerint eligere quatuor fagos in Nativitate Domini et totidem in Pascha totidemque in Pentechosten Dono etiam et concedo ad omnem loci illius edificationem arbores sive vivas sive mortuas sed et burgensibus mortuas ad domorum constructionem et ad aliarum rerum necessitatem Concedo etiam ut omni tempore de eadem silva accipiant monachi per manum forestariorum meorum vivas arbores et mortuas ad focum suum sufficienter infra claustra abbacie faciendum Preterea dono et concedo decimam omnium molendinorum meorum de Valle Virie et de sancto Iacobo super Beuron Dono etiam et concedo decimam totius frumenti et avene tam in firmis quam in redditibus quos habeo in Valle Virie et si de residuo frumento panis mihi vel meis fiat iterum monachi inde decimam habebunt si vero vendatur decimam iterum denariorum Dono etiam decimam omnium valdarum mearum de Normannia Concedo insuper et dono per totam Vallem Virie et per totum episcopatum Abrincensem decimam omnium victualium meorum videlicet panis carnium piscium cuiuscumque generis sint caseorumque et ovorum Dono insuper et concedo predictis monachis ecclesiam sancti Germani de Talevenda cum omni decima et pertinentiis suis ecclesiam sancti Martini de Torneor cum omni decima et pertinentiis ecclesiam de Mansione Osoulphi cum omni decima et pertinentiis ecclesiam sancti Mandici cum omni decima et pertinentiis ecclesiam de Mesnill Chauceis cum omni decima et pertinentiis ecclesiam de Morigni cum omni decima et pertinentiis ecclesiam de Lucerna cum decima et pertinentiis suis ecclesiam de Corchon cum omni decima ecclesiam sancte Marie Osmondi cum omni decima et pertinentiis suis ecclesiam de Ebrececo villa et decimam et silvam cum pertinentiis medietatem ecclesie de Vallibus super Oram cum pertinentiis ecclesiam de Campo Osberti cum decima et pertinentiis ecclesiam de Gisneto cum pertinentiis ecclesiam sancte Anastasie cum pertinentiis tres partes ecclesie de Viarvilla cum pertinentiis In Anglis quoque dono et concedo Hacchan cum appenditiis suis et ecclesiam cum terra ecclesie pertinenti ecclesiam de Cadvelle cum terra et decima ecclesie pertinenti ecclesiam de Gretham cum decima et terra ecclesie pertinenti ecclesiam de Barnetebi et decimam cum terra ecclesie pertinenti decimam de Hantone et ecclesiam cum terra ecclesie pertinenti ecclesiam de Watuthene et decimam cum terra ecclesie pertinenti ecclesiam de Takobe et decimam cum terra ecclesie pertinenti ecclesiam de Cesitone cum decima et terra ecclesie pertinenti ecclesiam de Fisidan et decimam cum terra ecclesie pertinenti apud Hengstric quatuor hidas terre Hec sunt que ego Hugo comes Cestrie sancte Marie et sancto Severo et monachis ibidem sub abbatis imperio secundum regulam sancti Benedicti degentibus concedo et dono et ut ea monachi libere quiete et pacifice in perpetuum possideant sigilli mei munimine confirmo