Charter Document - 05630158
| Charter Number: | 05630158 |
|---|---|
| Cartulary Title: | The Charters of the Anglo-Norman Earls of Chester, C. 1071-1237 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1177 - 1181 |
| Date type: | Assigned |
| Resource Link(s): |
|
Charter:
Hugo comes Cestrie omnibus baronibus et hominibus suis Francis et Anglis tam presentibus quam futuris salutem Sciatis me dedisse et hac presenti carta mea confirmasse deo et sancte Marie et abbati ac monachis de Pultona pro salute anime mee et patris mei et matris mee et omnium antecessorum et heredum meorum in puram et perpetuam elemosinam terram illam circa Gorstilanam et pratum in inferiori parte de Kalvemor unde aliquando facta est controversia inter prefatos monachos de Pultona et homines de Ethuna sicut homines legales vicinie ex mandato domini regis et meo assensu tactis sacrosanctis iurati perambulaverunt videlicet incipientes paululum versus Dodleston sub Gorstilana ab illo loco ubi campus de Eclestona et campus sibi adiunctus propior sub Gorstilana ex parte Pultone et campus ex parte Ethune ultra Gorstilanam versus Cestriam prius et propius sub Gorstilana conveniunt pervenerunt iuxta locum qui dicitur Gorstilana quem a dextris relinquentes secus culturam deforis versus Ethunam circuierunt campum ilium circa Gorstilanam usque ad vallem per quam in medio descendentes prope locum qui dicitur Saltpit deflexerunt inter collem et pratum deorsum versus Ethunam usque ad inferiorem partem de Kalvesmor et ita per transversum prati transeuntes pervenerunt ad vetus fossatum in inferiori parte de Kalvesmor quod ibi desinit in flumine quod vocatur De ubi ex altera parte fluminis pene econtra inferior pars nemoris de Aldeford terminatur versus piscariam de Ethuna Concessi etiam predicto monasterio de Pultona et eiusdem loci monachis intuitu caritatis et pacis fossatum facere versus campum de Ethuna circa pratum suum per has autem divisas sicut in hac carta expresse sunt et quicquid infra eas continetur ex dono Roberti pincerne circa abbaciam de Pultona Ne quis contra eos aliquo modo materiam malignandi in posterum habeat volo et firmiter precipio ut predicti monachi libere et quiete plene et honorifice et sine ulla contradictione et absque omni terreno servicio et seculari exaccione que ad me et ad heredes meos pertinent teneant et in perpetuum possideant Hiis testibus Aluredo de Combrei Willelmo Patrie Radulfo filio Warned Ricardo de Pulford Hugone filio Oliveri Rogeri de Combrei Roberto filio Ricardi de Pulford
Source (click image below to view full size)
