Charter Document - 05630107
| Charter Number: | 05630107 |
|---|---|
| Cartulary Title: | The Charters of the Anglo-Norman Earls of Chester, C. 1071-1237 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1153 |
| Date type: | Assigned |
| Resource Link(s): |
|
Charter:
R comes Cestrie omnibus hominibus suis Francis et Anglis salutem Sciatis quod ego dedi et concessi et hac carta mea confirmavi deo et sancte Marie et fratribus et pauperibus de sub Lincolnia et pro amore magistri G cognati mei eiusdem domus rectoris centum solidatas terre in manerio meo de Beltesforde scilicet molendinum meum de Randdennat et molendinum de Beltesforde et decem et septem bovatas et dimidiam terre in Beltesforde et in campis et unam mansuram in cultura mea iuxta villam quam habent de dono meo cum libero introitu et exitu per totum sibi et suis averiis cum omnibus libertatibus et aisiamentis per totum cum suis pertinentiis exceptis thoftis quos in manu mea retineo adhuc Dedi vero eisdem pauperibus decimam partem omnis generis victus corrodii mei et comitisse mee et heredum meorum et comitissarum suarum sine omni retinemento Et si contingat quod fieri debeat cervisia de brasio omni tempore detur eis decima pars de ipso brasio Et videatur bene quod nullus de meis amodo contra deum predictam domum vel aliquos de suis temere super forisfacturam meam inquietet Hec vero omnia dedi eis in puram et perpetuam elemosinam liberam et quietam ab omni servicio et seculari exactione Quare volo et firmiter precipio quod ipsi fratres et pauperes habeant et teneant hec omnia bene et in pace libere et quiete honorifice per totum in viis et semitis et in pratis et pascuis et pasturis et in omnibus locis quoniam ego et heredes mei hec omnia ipsis fratribus et pauperibus garantizabimus et adquietabimus et defendemus de omnibus rebus in perpetuum Hec vero facta fuerunt in presencia domini Roberti Lincolniensis episcopi Alelmi decani Unfridi subdecani Willelmi archidiaconi Hamonis cancellarii Willelmi de Vescy Iocelini castellani Ricardi pincerne Ricardi filii Radulfi Thome filii Willelmi Iohanne et Rogero et Reginaldo servientibus et multis aliis
Source (click image below to view full size)
