Charter Document - 05630106

H[enricus] dux Normannorum et Aquitanorum et comes Andegavorum omnibus archiepiscopis episcopis comitibus baronibus vicecomitibus iusticiis et omnibus amicis et fidelibus suis Normannie et Anglie salutem Sciatis quod Rannulfus comes Cestrie in presentia mea et assensu meo dedit deo et sancte Marie Lincolnie et Roberto episcopo eiusdem loci pro salute animarum patris et matris sui et aliorum predecessorum suorum et pro salute anime sue et in recompensatione dampnorum que fecerat ecclesie sancte Marie Lincolnie Merstonam et Wavercuurt cum appendiciis suis pro xxx libratas terre tenendas libere et quiete in perpetuam elemosinam tali tenore quod si ville ille cum appendiciis suis xxx libras annuatim non valuerint quando episcopus eas recipiet predictus comes Rannulfus de propria hereditate sua per implebit sine frustratoria dilatione Ibidem remisit calumpniam suam Walterus de Wahella in presentia mea et quicquid iuris habebat in maneriis predictis ulterius in eis nichil reclamaturus et Rannulfo comiti eadem maneria reddidit et ipse comes ecclesie et episcopo ilia donavit Conventio navit etiam comes Cestrie quatinus infra terminum proximi festi sancti Michaelis heredi Normanni de Verduno eadem maneria quieta clamare faceret et quicquid ad ea pertinet nec aliquo tempore adversus ecclesiam Lincolnie vel episcopum calumpniam inde movebit Similiter conventio navit legitime comes Rannulfus quod si heredes Willelmi Meschini vel alius aliquid in predictis terris calumniarentur ipse adquietaret eas et warantizaret episcopo Lincolniensi et ecclesie sancte Marie Lincolnie quod si non faceret comes Rannulfus vel heres suus si post decessum comitis calumpnia ista fieret de propria hereditate sua omni occasione remota illas xxx libratas terre Lincolniensi ecclesie et episcopo restitueret de libera elemosina in perpetuum ab ipsis tenenda et possidenda vel ipsis calumniatoribus in escambium daret Ego autem hanc conventionem firmam esse volens interposui me fideiussorem hac conditione quod si comes Rannulfus eam non teneret vel de ea exiret de predictis libratis terre sic in liberam elemosinam date guarantum episcopi et Lincolniensis ecclesie non faciens restituerem eas ecclesie Lincolniensi et episcopo de dominio meo in perpetuam et liberam elemosinam possidendas et ab omni seculari consuetudine quietas Concedo etiam quod ille xxx librate quas Rannulfus comes dabit ecclesie Lincolnie sint quiete ab omni exactione et secularibus consuetudinibus Facta fuit hec conventio quadam die Lune in vigilia sancti Egidii in obsidione Stanfordie Testibus Ricardo de Hulmez Waltero Herefordie Waltero Wahelle constabulariis Hugone Waac Gervasio Paganell Walchelino Maminot Roberto Dunestanvilla Warino et Henrico filiis Geroldi Willelmo de Coleville Simone filio Willelmi Iocelino de Bailoll Gossumo castellano de Fines Roberto filio Walteri Pagano de Cheverci Ricardo pincerna Osberto Malebissa Hugone Hameslap clerico apud Stanfordiam in obsidione