Charter Document - 05630098
| Charter Number: | 05630098 |
|---|---|
| Cartulary Title: | The Charters of the Anglo-Norman Earls of Chester, C. 1071-1237 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1150 |
| Date type: | Assigned |
| Resource Link(s): |
|
Charter:
Ranulfus comes Cestrie episcopis archidiaconis decanis abbatibus constabulario dapifero iusticiario baronibus vic[ecomitibus] ministris et ballivis et burgensibus suis et omnibus hominibus suis Francis et Anglis clericis et laicis universisque sancte dei ecclesie filiis tam futuris quam presentibus salutem Sciatis me dedisse et in perpetuam elemosinam concessisse deo et sancte Marie et monialibus Cestrie nostris in Christo sororibus illas croftas quas Hugo filio Oliveri de dominio meo tenuit concessione et bona voluntate ipsius Hugonis ita quod illas clamavit quietas coram me et comitissa et plurimis baronum meorum liberas et immunes ab omnibus secularibus serviciis et omnimoda subieccione ad edificandam ibi ecclesiam in honore dei et sancte Marie in remissionem peccatorum meorum et ad fundamentum sui edificii Volo igitur et precipio quod ecclesia ista in elemosina mea fundata de tolneto et omni exaccione seculari libera sit et quieta et curiam suam et dignitatem ac libertatem in omnibus et per omnia prout libera exigit elemosina habeat Quare vobis mando diligenter et in domino obsecro quatinus predictam ecclesiam et moniales ibidem deo et sancte Marie iugiter servientes cum omnibus ad illas pertinentibus pro deo et communi salute mee videlicet anime et vestrarum manuteneatis et protegatis et ne patiamini quod elemosina mea depravetur neque moniales in ea manentes ab aliquibus vexentur Testibus Iohanne et Rogero capellanis Matilde comitissa Hugone filio comitis Fulcone de Brichsard Radulfo Mansell Ricardo pincerna apud Cestriam
Source (click image below to view full size)
