Charter Document - 05630094
| Charter Number: | 05630094 |
|---|---|
| Cartulary Title: | The Charters of the Anglo-Norman Earls of Chester, C. 1071-1237 |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1149 - 1153 |
| Date type: | Assigned |
| Resource Link(s): |
|
Charter:
Rannulfus comes Cestrie omnibus baronibus et castellanis suis et omnibus fidelibus suis tam Francis quam Anglis salutem Notum sit vobis me concessisse et sigilli mei munimine confirmasse deo et sancte Marie de Rademore et Willelmo abbati et monachis ibidem deo servientibus in perpetuam elemosinam Merstonam cum omnibus appenditiis suis in bosco et plano et pascuis et rivis et omnibus rebus aliis sicut Osbertus de Ardeua eandem terram eis dedit et concessit et carta sua confirmavit Unde mando et precor ut dei et mei amore predictos monachos de Rademore diligatis et manuteneatis nec aliquam iniuriam eis ab aliquo fieri pro posse vestro eos defendendo aliquatenus permittatis quia abbatiam de Rademore cum omnibus pertinentiis in mea custodia retineo et dei adiutorio et materiali gladio eam defendere satago et omnibus meis ne predictis monachis aliquam iniuriam inferant super amorem meum prohibeo Valete
Source (click image below to view full size)
