Charter Document - 05630063
| Charter Number: | 05630063 |
|---|---|
| Cartulary Title: | The Charters of the Anglo-Norman Earls of Chester, C. 1071-1237 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1146 - 1147 |
| Date type: | Assigned |
| Resource Link(s): |
|
Charter:
Rannulfus comes Cestrie episcopo Cestriensi abbati Cestrie totique clero constabulario Cestrie dapifero baronibus iusticie vicecomitibus ministris et omnibus fidelibus suis Francis et Anglis salutem Sciatis me reddidisse pro salute anime mee et antecessorum meorum deo et sancte Marie et abbati et monachis beati Petri ecclesie Salopesberie manerium de Gerstan cum omnibus que ad illud pertinent in plano et in bosco et in aquis ecclesiam etiam de Waletona cum terris et ceteris rebus que ad eam pertinent decimam quoque de Niwetona de dominio et villas duas Ulsitonam et Pultonam et dimidiam piscariam in Merse terciam etiam partem de Thelewelle in terris et in aquis et in bosco Quare volo et firmiter precipio ut bene et in pace et libere teneant et habeant ista omnia in bosco et plano et pratis et pasturis et aquis et in omnibus rebus cum omnibus libertatibus et quietanciis et consuetudinibus cum quibus melius tenent alias terras suas nec aliquid ibi retineo nisi orationes pro me Qui vero hoc temerare ausus fuerit vel imminuere sententia anathematis veniat super eum que scripta est in carta Roggeri comitis qui Pictavensis dictus est qui ista omnia sancto Petro prius dedit et sentencia que confirmata est per cartam regis Henrici coram archiepiscopis et episcopis in consilio Anglie Testibus Rogero episcopo Cestrensi Radulfo abbate Willelmo archidiacono Normanno de Verdun et multis aliis
Source (click image below to view full size)
