Charter Document - 05630030
| Charter Number: | 05630030 |
|---|---|
| Cartulary Title: | The Charters of the Anglo-Norman Earls of Chester, C. 1071-1237 |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1285 |
| Date type: | Assigned |
| Resource Link(s): |
|
Charter:
Rex archiepiscopis [] salutem Cum Ranulphus dudum comes Cestrie per cartam suam quam inspeximus concessit Radulpho tunc abbati Cestrie hanc videlicet libertatem quod ipse et successores sui inperpetuum per totam Cestreshiriam fugare possent ceruos et omnes alias feras iuxta genus suum ac dilectus nobis in Christo Simon nunc abbas loci eiusdem perpendens dictam libertatem nobis et foreste nostre predicte onerosam esse et tediosam eandem libertatem qua idem abbas et predecessores sui a tempore concessionis predicte vsi fuerant quiete reddiderit in manum nostram de assensu et voluntate conuentus sui loci supradicti Nos eidem abbati super hoc compensacionen facere volentes concessimus pro nobis et heredibus nostris quod idem abbas et successores sui inperpetuum per se uel suos singulis annis capere possint cum canibus currentibus leporariis arcubus seu retibus per duas vices ann iuel pluries si voluerint sex damos et sex damas in foresta nostra de La Mare videlicet sex damos in sesona pinguedinis et sex damas in sesona fermesonis prout iuxta modum predictum magis viderint expedire Et si forte ipse uel sui sic in fugando per canes aut homines suos casu fortuito et non maliciose ceruum bissam uel fetonem uel feram aliam extra sesonam vtpote damum in hieme uel damam in estate ceperit uel ceperint volumus quod feto ille seu fera illa cuiuscunque generis fuerit sic capta computetur infra numerum predictorum damorum et damarum et quod per nos iusticiarios forestarios viridarios aut alios ministros foreste occasione capcionis illius non occasio nentur in aliquo uel grauentur Concessimus eciam pro nobis et heredibus nostris predicto abbati quod ipse et successores sui inperpetuum per forestas Cestreshirie cum leporariis suis siue canibus currentibus habeant cursum suum ad lepores et uulpes capiendos Concessimus eciam pro nobis [] quod ipse et successores sui inperpetuum habeant singulis annis in festo sancte Wereburge virginis vnum ceruum per nos uel nostros capiendum in honorem eiusdem virginis et eciam quod ipse et successores sui inperpetuum habeant decimam venacionis per nos uel nostros capte in forestis predicte Cestreshirie sicut ipse et predecessores sui ceruum illum et decimam illam habere consueuerunt temporibus retroactis Quare volumus [] ut predictum est Hiis testibus venerabilibus patribus R[oberto] Bathoniensi et Wellensi W[illelmo] Norwycensi A[ntonio] Dunolmensi et W[altero] Sarisberiensi episcopis Johanne de Warenna comite Surreie Johanne de Vescy Ottone de Grandisono Reginaldo de Grey Roberto filio Johannis Gunselino de Badelesmere Petro de Chaumpuent Ricardo de Bosco Waltero de Eueresle et aliis Data per manum nostram apud Westmonasterium xii die Iunii