Charter Document - 05630026
| Charter Number: | 05630026 |
|---|---|
| Cartulary Title: | The Charters of the Anglo-Norman Earls of Chester, C. 1071-1237 |
| Charter Language: | Latin |
| Charter Origin: | Lay |
| Charter Type(s): | Gift |
| Date: | 1141 - 1150 |
| Date type: | Assigned |
| Resource Link(s): |
|
Charter:
Ranulphus comes Cestrie constabulario dapifero baronibus iusticiario vicecomiti Cestrie tam presentibus quam futuris et omnibus hominibus suis Francis et Anglis clericis et laicis salutem Universitati vestre notam facio me dedisse in elemosinam in perpetuum deo et sancte Marie et ecclesie sancte Werburge et Radulfo abbati et conventui predicte ecclesie pro salute anime Hugonis comitis prefate ecclesie fundatoris ac pro salute anime Ranulfi comitis patris mei et antecessorum meorum et pro salute anime mee et Christianorum omnium omnem decimam integriter et plenarie omnium reddituum meorum civitatis Cestrie videlicet de denariis et nominatim decimum denarium de illis novem denariis qui accipiuntur de ponte et de aliis piscationibus quia habuerunt antea decimum salmonem ex dono Ricardi comitis Ea propter volo et firmiter precipio ut predicta elemosina sit stabilis et firma et ut computetur et talliatur vicecomiti meo in firmam suam a camerariis meis Prohibeo etiam ne aliquis vestrum contra deum et sanctam Mariam et contra beatam Werburgam et super amorem et forisfactum meum prefatam elemosinam temerarie disturbare celare vel aliquo modo minuere presumat Si quis autem vestrum infelix hanc elemosinam a me manu mea super altare sancte Werburge oblatam forte disturbare vel minuere presumpserit precor episcopum Cestrie et obnixe requiro et iusticiam meam Cestrie super amorem meum et meorum precipio quod ilium iusticiet donec ad dignam satisfactionem veniat Testibus Roberto dapifero Normanno de Verdun Turstano Banastre Willelmo filio Dunecani Willelmo capellano Ricardo capellano Ricardo pincerna Rogero filio Ricardi de Aquila Spilemanno camerario Hugone filio Oliveri Dunn filio Wlmari et multis aliis
Source (click image below to view full size)
