Charter Document - 05630022
| Charter Number: | 05630022 |
|---|---|
| Cartulary Title: | The Charters of the Anglo-Norman Earls of Chester, C. 1071-1237 |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1130 - 1150 |
| Date type: | Assigned |
| Resource Link(s): |
|
Charter:
Ranulfus comes Cestrie constabulario dapifero et maxime vicecomitibus atque burgensibus omnibusque ministris suis Cestrie salutem Notifico vobis me concessisse sicut comites Hugo et Ricardus et Ranulfus pater meus concesserunt ecclesie sancte Werburge omnes redditus et exitus nundinarum ab hora nona vigilie sancte Werburge usque ad noctem sequentis diei post festum in thelonio in foris factis et in omnibus rebus que acciderint in nundinis in his tribus diebus ut si aliqua causa interveniat omne placitum et iusticia in curia sancte Werburge ad opus monachorum pertractetur Adhuc vero concessi sicut antea concessum est ad honorem virginis ut sive latro sive aliquis malefactor venerit ad festum habeat firmam pacem dum fuerit in nundinis nisi forte foris fecerit in illis Teste Normanno de Verdun Ricardo pincerna Iohanne capellano Philippo camerario
Source (click image below to view full size)
