Charter Document - 05630013

Universis matris ecclesie filiis Rannulfus comes Cestrie salutem Notum sit vobis pariter me concessisse quando feci transferri corpus Hugonis comitis mei avunculi a cimiterio in capitulum ut in die mee mortis darem simul cum corpore meo ecclesie sancte Werburge Vptunam solutam et quietam ab omni re ut elemosinam liberam sicut ego ipse in illa die haberem eam in terris in hominibus in planis in pascuis in pratis in placitis et in omnibus pertinentiis suis pro anima ipsius Hugonis comitis et pro salute anime mee et animarum omnium parentum meorum Item quoniam comes Hugo concesserat antea ecclesie sancte Werburge theloneum et omnes redditus nundinarum trium dierum id est a nona vigilie sancte Werburge usque ad vesperam sequentis diei post solemnitatem ego comes Rannulfus illud idem concedo et confirmo constituens sicut ipse constituerat ut sive latro sive robbator sive aliquis malefactor venerit ad solemnitatem habeat firmam pacem dum fuerit in nundinis nisi forte forisfecerit in illis Et si forte aliquis forisfecerit in nundinis omne placitum et foris factum et iustitia a ministris abbatis et a vicecomite civitatis tractabuntur in curia sancte Werburge virginis Et ut vicecomes intentius et fidelius hoc agat computetur et tallietur ei a meis camerariis in suam firmam quicquid monachi ex hiis omnibus acceperint Willelmus Meschinus frater meus dedit deo et ecclesie sancte Werburge ecclesiam de Dissart cum omnibus pertinentiis suis concensu Rannulfi comitis et Rannulfi filii sui teste Willelmo clerico de Ruelant Willelmo Flandrensi multisque aliis Matheus de Ruelant dedit ecclesiam de Tursteinestun cum suis pertinentiis quando Simon frater eius factus est monachus teste Roberto de Petraponte multisque aliis Hugo filius Osberni dedit unam mansuram in Cestria et unum pratum quod vocatur Kingeseia Suuein de Wethenhale factus monachus dedit duas bovatas in Wethenhale concedentibus filiis suis Ricardus de Cruce dedit unam mansuram in Cestria in vico apud pontem et partem terre quam habuit in Morsetun cum vellet monachus fieri teste Normanno filio suo multisque aliis Leticia de Malpas dedit deo et sancte Werburge unam mansuram versus portam Clippe teste et concedente Ricardo domino suo et fratre suo Ricardo Mailard Nigello Chaldel multisque aliis Willelmus filius Andree dedit cum filio suo monacho facto unam magnam soppam inter domum Winebaldi et Hamund in foro Hec sunt itaque dona que data sunt a me et a meis hominibus ecclesie sancte Werburge in meo tempore Quapropter concedimus et confirmamus tam ego quam homines mei non solum hec supradicta sed et ea omnia que comes Hugo meus avunculus vel Ricardus comes eius filius aut eorum homines dederunt ecclesie sancte Werburge deprecantes et precipientes cunctis nostris amicis et hominibus tam presentibus quam futuris quatinus ea omnia sint stabilia soluta et quieta et ut elemosina ab omni re ita libera ut nichil libertatis possit eis addi ulterius quia nichil retinemus in his exceptis orationibus Adhuc etiam concedimus et confirmamus sicut predicti comites et eorum homines antea confirmaverunt ut beata Werburge habeat de cunctis rebus curiam suam ita quod abbas illius loci non placitet usquam contra aliquem de aliqua re ad ecclesiam pertinente extra curiam suam Et ut ego comes darem exemplum posteris veni ipse propter unum placitum in curiam abbatis audiens et suscipiens ibi meum judicium non a meis sed a iudicibus abbatis ut in omnibus haberet beata Werburge ius sue dignitatis imperpetuum Ut igitur sic sint omnia sicut supradictum est libera confirmamus ea hinc sancte crucis signo + hinc meo sigillo hinc horum virorum testimonio scilicet Willelmi Meschini Willelmi constabularii Radulfi dapiferi Hugonis Malbanc Ricardi Banastre Hugonis filii Osberni Osberni filii Hugonis Roberti de Maci Roberti filii Bigot Ade de Praieres Gaufridi capellani Turgisii doctoris Ricardi filii Nigelli Signum + Rannulfi comitis Signum Willelmi Meschini Signum + Willelmi constabularii Signum + Roberti de Palmas Signum + Radulfi dapiferi Signum + Hugonis Malbanc Signum + Ricardi Banastre Signum + Hugonis filii Osberni Signum + Osberni filii Hugonis Signum + Roberti de Maci