Charter Document - 05630011

Ranulfus comes Cestrensis omnibus fidelibus suis salutem Noverit universitas vestra me pro salute anime mee et omnium antecessorum meorum donasse et concessisse et presenti carta mea confirmasse abbati et monachis sancti Ebrulfi in perpetuam elemosinam liberam et quietam in Anglia ecclesiam de Bifeilt quam eis donavit antecessor meus Ricardus comes Cestrensis cum omnibus pertinentiis suis et unam carucatam terre in liberam et quietam elemosinam ab escuagio et tallalio et omni alio terreno servicio Item in Anglia de donis Hugonis comitis Cestrensis in parva Pilardentana unam hidam terre et decimam de Brichella et ibidem unum rusticum et decimam de Sauleia in Bochingehamscira De donis Roberti de Roelento hominis sui villam que Cherchebeia dicitur cum duabus ecclesiis ad eandem villam pertinentibus ad Merestonam ecclesiam cum tota decima et octo hospitibus et ibidem duas carucatas terre ad Cestriam ecclesiam sancti Petri de mercato et tres burgenses De dono Roscelini hominis eiusdem comitis totam decimam garbarii angnorum et porcorum de Stantona De dono Osberni filii Ceuxonis decimam de Neobotha decimam quoque de Forefort et Oxtcunde quam dedit Baldricus de Lindissi sancto Ebrulfo et decimam Brisardi ad Lindissi cum decima terre Rogeri de Millaio In Normannia ecclesiam de Croissiles quam ipsis donavit Ricardus comes Cestrensis cum omnibus pertinentiis suis ecclesiam quoque de Orgeriis cum omnibus pertinentiis suis Willelmo de Verreis cum Agnete uxore sua Thoma de Clara cum Ysabeth uxore sua et Odone de Ciseio atque Willelmo de Belvesmaria consentientibus et condonantibus ecclesiam de Tolqueta cum decimis et terris aliisque pertinentiis suis hermitagium de Rupe cum nemore et terris et pratis aliisque pertinenciis suis ecclesiam sancti Petri de Tarentana de dono Goit hominis mei Testibus Hugone Maubaent Morado de Liveriz Ricardo filio Baldrici de Lindissi Rogero de Combraio et aliis multis