Charter Document - 05621300
| Charter Number: | 05621300 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Gift |
| Date: | 1175 - 1225 |
| Date type: | Assigned |
| Resource Link(s): |
|
Charter:
[U]niversis hanc cartam audientibus Alexander Gernun de sancto Botulpho salutem Noverit universitas vestra me divine pietatis intuitu et pro salute anime mee et uxoris mee et heredum meorum concessisse dedisse et hac mea carta confirmasse Deo et beate Marie et conventui de Alvingham in puram et perpetuam elemosinam unam placeam terre in curia mea extra barram ex occidentali parte iuxta terram que fuit Sired continentem in longitudine xlij pedes [terre] et in latitudine xlij pedes terre iacentem ex australi parte gardini mei ad edificandum ibidem hospitium in quo hospitentur cum venerint cum libero introitu et exitu et omnibus aliis aisiamentis Et ego et heredes mei warantizabimus predictam terram predicto conventui inperpetuum In huius rei testimonium huic presenti scripto sigillum meum apposui Ego vero et heredes mei custodiam illius terre cum edificiis superedificatis extra feriam habebimus Hiis testibus []
Source (click image below to view full size)
