Charter Document - 05621296
| Charter Number: | 05621296 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Gift |
| Date: | 1175 - 1200 |
| Date type: | Assigned |
| Resource Link(s): |
|
Charter:
[C]unctis Cristi fidelibus tam futuris quam presentibus Reinerus de Waxtunesham salutem Universitati vestre notum facio me dedisse et concessisse et presentis carte mee testimonio confirmasse Deo et beate Marie et sanctimonialibus de Alvingham et fratribus earum ibi Deo servientibus in puram et perpetuam elemosinam terram quam Willelmus Levolant mihi dedit et concessit in villa sancti Botulphi et carta sua confirmavit scilicet xxxi pedum in latitudine versus forum a terra que fuit Arkilli versus viam ex parte orientis et in longitudine a via aquilonis usque ad viam austri Et predicte sanctimoniales et fratres prenominati reddent unoquoque anno ad feriam sancti Botulphi prefato Willelmo Levolant decem denarios pro omni servitio ita quod per hos decem denarios unoquoque anno termino prescripto reddendos erunt prefate sanctimoniales et fratres predicti quieti de omnibus auxiliis et demandis et de omnibus aliis rebus Hiis testibus []
Source (click image below to view full size)
