Charter Document - 05621289

[O]mnibus Cristi fidelibus ad quos presens scriptum pervenerit prior et conventus de Alvingham salutem in domino [N]overitis nos concessisse et hac presenti carta confirmasse Roberto Stori et heredibus suis vel suis assignatis duos toftos in villa de Suineflet quorum unus iacet ex orientali parte eiusdem ville inter terram abbatis de Ebor et terram Ricardi filii Iuliane et extendit se a Fulsyedic usque ad ripam de Use Alter vero iacet inter terram Roberti Angeri et toftum abbatis de Ebor tenendos et habendos libere quiete et pacifice reddendo inde annuatim dicto conventui de Alvingham tres solidos et quatuor denarios ad duos terminos videlicet ad festum sancti Martini in hyeme viginti denarios et ad Pentecoste viginti denarios Et sciendum est quod dictus Robertus et heredes sui vel sui assignati dictos toftos edificabunt competenter propriis sumptibus infra duos annos proximo sequentes sub pena dimidie marce dicto conventui sine aliqua contradictione solvende et ad hanc solutionem faciendam dictus Robertus Stori una cum Robertus le Fraunceis fidei datione se obligaverunt Nos vero dicti prior et conventus dictos toftos dicto Roberto Stori et heredibus suis vel suis assignatis dummodo de dicto redditu ad dictos terminos nobis plenaria satisfecerant warantizabimus contra omnes homines et defendemus quamdiu donatores nostri nobis warantizabunt In cuius rei testimonium presenti scripto dictus Robertus Stori sigillum suum apposuit Hiis testibus []