Charter Document - 05621281
| Charter Number: | 05621281 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1186 - 1200 |
| Date type: | Assigned |
| Resource Link(s): |
|
Charter:
[C]unctis Cristi fidelibus tam futuris quam presentibus Robertus abbas et conventus sancte Marie Eboraci salutem Sciatis nos ad petitionem Reyneri de Waxtonesham concessisse et presenti carta nostra confirmasse inperpetuum elemosinam monialibus de Alvingham sex acras terre arabilis in Redenesse et sex perticatas de mora in latitudine et in longitudine quantum mora de Redenesse se extendit et pasturam quantum pertinet ad tantum tenementi scilicet duas acras terre arabilis iacentes iuxta divisam que est inter Witegift et Redenes et duas acras terre arabilis iacentes iuxta spinetum de Redenes et duas acras terre arabilis iacentes versus Suineflet quas sex acras terre arabilis et quas sex perticatas de mora predictus Raynerus dedit in perpetuam elemosinam prefatis monialibus et quas Robertus filius Holdewini de Redenesse dedit predicto Raynero per servitium dimidie libre piperis eidem Roberto reddende per annum ad festum apostolorum Petri et Pauli Hiis testibus []
Source (click image below to view full size)
