Charter Document - 05621274
| Charter Number: | 05621274 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Gift |
| Date: | 1208 - 1247 |
| Date type: | Assigned |
| Resource Link(s): |
|
Charter:
[N]otum sit universis quod ego Ranulphus filius Roberti filii Fulconis de Redenesse dedi et concessi et hac presenti carta mea confirmavi Deo et beate Marie et conventui de Alvingham in puram et perpetuam elemosinam pro salute anime mee et heredum meorum et omnium antecessorum meorum quandam moram cum fundo in territorio de Redenesse habentem sex perticatas in latitudine cum omni longitudine sua de Keredic quantum se mora de Redenesse se extendit scilicet moram cum fundo que iacet inter divisam de Huc et moram predicti conventus quam habent de feudo Thome de Redenesse ex dono Raineri de Waxtunesham quondam vicecomitis Ebor reddendo mihi et heredibus meis annuatim sex denarios ad Pentecoste pro omni servitio et exactione et consuetudine Et predictus conventus faciet de predicta mora cum fundo quicquid eis placuerit sine inpedimento de me vel de heredibus meis et hec affidavi legitime tenendum in manu domini Willelmi tunc prioris de Alvingham Preterea dedi et concessi eidem conventui de Alvingham in eodem territorio de Redenesse quandam particulam terre iuxta Claidic versus occidentem scilicet dimidiam acram eiusdem terre in puram et perpetuam elemosinam Et ne quis hanc donationem meam adnichilare vel infirmare valeat presenti carta mea et sigillo meo confirmavi et virorum bonorum testimonio corroboravi Et ego Ranulphus et heredes mei warantizabimus et defendemus et acquietabimus hec omnia predicto conventui contra omnes homines et feminas inperpetuum sicut specialem elemosinam nostram Hiis testibus []
Source (click image below to view full size)
