Charter Document - 05621272
| Charter Number: | 05621272 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1184 - 1210 |
| Date type: | Assigned |
| Resource Link(s): |
|
Charter:
[N]otum sit universis quod ego Robertus filius Fulconis de Redenesse concessi et hac presenti carta mea confirmavi Deo et beate Marie et conventui de Alvingham in puram et perpetuam elemosinam pro salute anime mee et heredum meorum et omnium antecessorum meorum quandam moram cum terra in territorio de Redenesse quam habent de dono Fulconis patris mei habentem vj perticatas in latitudine cum omni longitudine sua de Kerdic quantum se mora de Redenesse extendit scilicet moram cum terra que iacet inter divisam de Huke et moram predicti conventus quam habent de feudo Thome de Redenesse ex dono Reineri de Waxstunesham quondam vicecomitis Eboraci reddendo annuatim mihi et heredibus meis post decessum patris mei Fulconis sex denarios ad Pentecoste pro omni servitio et exactione Preterea dedi eidem conventui de Alvingham in eodem territorio de Redenesse quandam particulam terre iuxta Claidic versus occidentem scilicet dimidiam acram eiusdem terre in puram et perpetuam elemosinam et reliquam partem eiusdem terre tenendas de me et heredibus meis in feudi firma reddendo mihi et heredibus meis post me per annum quatuor denarios ad Pentecoste pro omni servitio et exactione Et ego Robertus et heredes mei warantizabimus et acquietabimus hec omnia predicto conventui contra omnes homines sicut specialem elemosinam nostram Hiis testibus []
Source (click image below to view full size)
