Charter Document - 05621271
| Charter Number: | 05621271 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1184 - 1210 |
| Date type: | Assigned |
| Resource Link(s): |
|
Charter:
[N]otum sit universis quod ego Robertus filius Fulconis de Redenesse concessi et hac presenti carta mea confirmavi Deo et beate Marie et conventui de Alvingham in puram et perpetuam elemosinam pro salute anime mee et heredum meorum et omnium antecessorum meorum quandam moram cum fundo in territorio de Redenesse quam habent ex dono Fulconis patris mei habentem sex perticatas in latitudine cum omni longitudine sua de Kerdic quantum se mora de Redenesse extendit scilicet moram cum fundo que iacet inter divisam de Huc et mora predicti conventus quam habent de feudo Thome de Redenesse ex dono Reineri de Waxstunesham quondam vicecomitis Eboraci reddendo annuatim mihi et heredibus meis post discessum patris mei Fulconis sex denarios ad Pentecoste pro omni servitio et exactione et consuetudine Et predictus conventus faciet de predicta mora cum fundo quicquid eis placuit sine inpedimento de me vel de heredibus meis Et hoc affidavi legitime tenendum in manu Benedicti clerici de Cuningesby Preterea dedi eidem conventui de Alvingham in eodem territorio de Redenesse quandam particulam terre iuxta Claidic versus occidentem scilicet dimidiam acram eiusdem terre in puram et perpetuam elemosinam Et ne quis hanc donationem meam adnichilare vel infirmare valeat presenti carta mea et sigillo confirmavi et bonorum virorum testimonio corroboravi Et ego Robertus et heredes mei warantizabimus et defendemus et acquietabimus hec omnia predicto conventui contra omnes homines inperpetuum sicuti specialem elemosinam nostram Hiis testibus []
Source (click image below to view full size)
