Charter Document - 05621249
| Charter Number: | 05621249 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Gift |
| Date: | 1162 - 1206 |
| Date type: | Assigned |
| Resource Link(s): |
|
Charter:
[C]unctis Cristi innotescat fidelibus quod ego Radulfus Pincun et uxor mea Ysabel et Rogerus filius noster et heres consilio et assensu domini nostri Thome de Arcy et amicorum et heredum nostrorum dedimus et hac carta nostra confirmavimus in puram et perpetuam elemosinam Deo et ecclesie sancte Marie de Alvingham et conventui sanctimonialium et fratrum ibidem Deo servientium duas bovatas terre arabilis in territorio de Cunigesby in culturis meis propinquiores soli simul iacentes cum omnibus pertinentiis suis in pratis in pascuis in mariscis et in omnibus locis videlicet quartam partem totius tenure mee in Cunigesby et duas mansuras inter mansuram fratrum et mansuram Roberti Cumber iacentes et quandam culturam xij percarum in latitudine que tendit apud aquilonem a curia fratrum usque ad brueriam et tantum pasture quantum pertinet ad tantam tenuram illius ville Concessimus etiam eis et confirmavimus in perpetuam elemosinam unam bovata terre in omnibus locis propinquiorem duabus bovatas prenominatis parem illis plenaria existentem quam prius domino meo Thome vendidi et ipse eis in elemosinam dedit Ego vero Radulfus et uxor mea et filius meus et heres et heredes nostri warantizabimus et acquietabimus predictis monialibus omnia prenominata ut puram et specialem elemosinam nostram liberam et quietam ab omni terreno servitio et exactione inperpetuum possidenda erga dominos et omnes homines fide nostra interposita in manu Ricardi subdiaconi de Alvingham Hiis testibus []
Source (click image below to view full size)
