Charter Document - 05621234
| Charter Number: | 05621234 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1206 - 1234 |
| Date type: | Assigned |
| Resource Link(s): |
|
Charter:
[S]ciant presentes et futuri quod ego Robertus filius Thome de Caburn dedi et concessi et de me et de heredibus meis inperpetuum penitus quietas clamavi et hac presenti carta mea confirmavi Galfrido de Thurs filio Gileberti de Thurs duas bovatas terre et dimidiam in Caburna de feodo Normani de Arcy cum omnibus pertinentiis et aisiamentis suis infra villam et extra quas scilicet duas bovatas terre ego quandoque tenui de predicto Gilberto de Thurs patre ipsius Galfridi et redditum trium solidorum quem Henricus clericus mihi solet annuatim reddere pro uno tofto et dimidiam bovata terre in Caburna de feodo prefati Normani de Arcy Hanc vero donationem et perpetuam quietam clamationem tam pro me quam pro heredibus meis prenominato Galfrido de Thurs feci pro quinque marcis quas idem Galfridus dedit mihi Et quod neque ego neque aliquis heredum meorum aliquid iuris vel clamii in prenominatis terris sive in redditu contra iam dictum Galfridum vel heredes suos aliquo tempore habere vel vendicare possimus cum sacramento prestito ac fide interposita presentem cartam sigilli mei appositione roboravi Hiis testibus []
Source (click image below to view full size)
