Charter Document - 05621217
| Charter Number: | 05621217 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Gift |
| Date: | 1200 - 1264 |
| Date type: | Assigned |
| Resource Link(s): |
|
Charter:
[O]mnibus sancte matris ecclesie filiis ad quos presens scriptum pervenerit Symon filius Symonis de Stalingburc salutem Noverit universitas vestra me consensu Beatricis sponse mee dedisse concessisse et hac presenti carta mea confirmasse Deo et beate Marie et conventui de Alvingham in liberam puram et perpetuam elemosinam tres perticatas prati in latitudine in prato de Stalingburc quod vocatur Fileker extendentes se in longitudine quantum Fileker se extendit iacentes inter pratum Radulfi de Gousel ex una parte et pratum Roberti de Charnel ex altera Et alias tres perticatas prati in latitudine in eodem prato de Fileker extendentes se in longitudine quantum Fileker se extendit iacentes inter pratum Normani Dercy ex una parte et pratum Roberti de Charnel ex altera cum libero introitu et exitu et cum omnibus pertinentiis suis Et ego Symon et heredes mei warantizabimus et defendemus predictas sex perticatas prati cum libero introitu et exitu et cum omnibus suis pertinentiis contra regem et dominos feodi et contra omnes homines et de omnibus servitiis consuetudinibus exactionibus et sectis quocumque modo accidere poterunt acquietabimus inperpetuum In cuius rei testimonium ego Symon et Beatrix sponsa mea presenti scripto sigilla nostra apposuimus Hiis testibus []
Source (click image below to view full size)
