Charter Document - 05621207
| Charter Number: | 05621207 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Gift |
| Date: | 1175 - 1225 |
| Date type: | Assigned |
| Resource Link(s): |
|
Charter:
[S]ciant tam presentes quam futuri quod ego Margeria de Neut et Robertus filius meus et heres dedimus et hac carta confirmavimus Deo et beate virgini Marie et conventui de Alvingham quatuor perticatas terre arabilis in territorio de Neut ad Landemarehou propinquiores terre quam idem conventus habet ibi et unam acram terre arabilis propinquiorem de Ortich in brueria et unam sellionem ex aquilonari parte vie de Binnebrock iuxta terram eiusdem conventus quam habet in Neudaile Et concessimus prefato conventui totam communem pasturam nostram in campis de Neut salva pastura propriis ovibus nostris et hominum nostrorum Et hoc sciendum quod si voluerimus alienas ovas in pastura nostra assumere non poterimus nisi prefatus conventus suas oves nobis locare voluerit et remisimus omnes querelas et calumpnias quas hactenus habuimus erga eundem conventum Concessimus etiam quod si nos vel homines nostri terram aliquam ad firmam vel ad mercedem dimiserimus illis per ceteris dimittetur Pacem quoque et fidelitatem eis sicut fratribus nostris et sororibus nostris in omnibus servabimus warantizando hec omnia eis inperpetuum quamdiu vixerimus et heredes nostri post nos pro Dei amore et animarum nostrarum salute Hiis testibus []
Source (click image below to view full size)
