Charter Document - 05621201
| Charter Number: | 05621201 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Gift |
| Date: | 1175 - 1264 |
| Date type: | Assigned |
| Resource Link(s): |
|
Charter:
[C]unctis Cristi fidelibus presentibus et futuris Alanus filius Gileberti de Beseby salutem Sciatis me dedisse et concessisse et hac presenti carta mea confirmasse Deo et beate Marie et conventui de Alvingham in puram et perpetuam elemosinam quatuor selliones terre arabilis in territorio de Neutun ex occidentali parte ville duos scilicet iacentes iuxta Lingwang propinquiores ex orientali parte qui se extendunt de Binbrokegate versus aquilonem usque ad forarium Radulfi filii Osberti de Neutun et duos selliones in Suineopedale iacentes inter terram predicti conventus de Alvingham et terram predicti Radulfi filii Osberti tenendos et habendos liberos et quietos ab omnibus terrenis servitiis et consuetudinibus et exactionibus Ego vero et heredes mei warantizabimus predictos quatuor selliones predicto conventui et acquietabimus de omnibus servitiis et consuetudinibus et demandis et defendemus contra reges et comites et dominos et omnes homines inperpetuum Et ut hec mea donatio et confirmatio rata sit et stabilis inperpetuum presentem cartam sigillo meo corroboravi Hiis testibus []
Source (click image below to view full size)
