Charter Document - 05621192
| Charter Number: | 05621192 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Gift |
| Date: | 1200 - 1264 |
| Date type: | Assigned |
| Resource Link(s): |
|
Charter:
[C]unctis Cristi fidelibus presentibus et futuris Hugo filius Petri filii Adestani de Waldneut salutem Noveritis me dedisse concessisse et hac presenti carta mea confirmasse Deo et beate Marie et conventui de Alvingham in puram et perpetuam elemosinam liberam et quietam ab omni seculari servitio et terrena exactione duos selliones terre arabilis iacentes in territorio de Neutona scilicet unus iacet ex occidentali parte ville ex west parte ecclesie super Nettelakeres inter terram Roberti hominis persone et terram Gileberti filii Wygoti et buttat in utroque capite super terram predicti conventus qui sellio continet in latum duas perticatas et dimidiam et alius sellio iacet ex orientali parte ville super Colewang inter terram meam et terram predicti conventus et buttat in utroque capite super vias de Auwordeby qui continet in latum duas perticatas et dimidiam Et ego Hugo et heredes mei predictos duos selliones cum omnibus pertinentiis libertatibus et aisiamentis predicto conventui in puram et perpetuam elemosinam warantizabimus et defendemus et de omnibus calumpniis sequelis et demandis et de omnibus rebus erga dominos feodi et erga omnes homines et feminas acquietabimus inperpetuum Hiis testibus []
Source (click image below to view full size)
