Charter Document - 05621172
| Charter Number: | 05621172 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1175 - 1225 |
| Date type: | Assigned |
| Resource Link(s): |
|
Charter:
[O]mnibus visuris vel audituris litteras istas Radulfus de Greinesby filius Radulfi salutem Noverit universitas vestra me assensu uxoris mee et heredum meorum divine pietatis intuitu et pro salute animarum omnium antecessorum meorum et pro salute mea et uxoris mee et heredum meorum dedisse et presenti carta mea confirmasse Deo et beate Marie et conventui de Alvingham in puram et perpetuam elemosinam totam culturam meam in Brakenhou quam Petrus filius Siche tenuit in territorio de Neutona que se extendit in oriente usque ad viride fossatum vie de Lude et in occidente usque Beornisgaire et iacet propinquior terre que fuit Ricardi filii Roberti ex aquilonari parte Ego vero et heredes mei warantizabimus et acquietabimus predictam culturam prenominato conventui contra omnes homines inperpetuum Et ut hec donatio et confirmatio rata sit et stabilis eandem sigilli mei munimine et fidei interpositione corroboravi Hiis testibus []
Source (click image below to view full size)
