Charter Document - 05621148
| Charter Number: | 05621148 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1185 - 1197 |
| Date type: | Assigned |
| Resource Link(s): |
|
Charter:
[O]mnibus sancte ecclesie filiis presentibus et futuris Hugo Bec salutem Sciatis quod ego et domina et mater mea Agnes et fratres mei pro salute anime patris nostri Walteri Bec et animarum nostrarum et omnium antecessorum nostrorum concessimus et hac nostra carta confirmavimus Deo et ecclesie sancte Marie de Alvingham et sanctimonialibus et fratribus ibidem Deo servientibus in puram et perpetuam elemosinam omnes terras et donationes quas habent de feodo nostro in territorio de Neutona ex dono et elemosina Roberti Walb et Osberti filii eius et Willelmi filii Thurstani cum omnibus pertinentiis suis in ipsa villa et alibi et quicquid Hugo filius Pinceon avus meus et Walterus Bec pater meus eis concesserunt et confirmaverunt et in feodi firmam et in elemosinam habenda et tenenda libere et quiete per easdem libertates quas carte predictorum donatorum et confirmatorum quas sanctimoniales et fratres inde habent testantur Et preterea concessimus eis et ex toto in puram et perpetuam elemosinam quitum clamavimus Ynguemundum filium Reganaldi de Neutona et servitium eius et omnia catalla eius et nominatim toftum quod idem Ynguemundus tenuit et quod pertinet ad terram predicte donationis Willelmi filii Thurstani Testibus []
Source (click image below to view full size)
