Charter Document - 05621128
| Charter Number: | 05621128 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Gift |
| Date: | 1200 - 1248 |
| Date type: | Assigned |
| Resource Link(s): |
|
Charter:
[C]unctis Cristi fidelibus presentibus et futuris Iohannes filius Willelmi filii Alani de Claxeby salutem Noverit universitas vestra me pro salute anime mee et Alicie uxoris mee et omnium antecessorum meorum concessisse dedisse et hac presenti carta mea confirmasse Deo et beate Marie et conventui de Alvingham in puram et perpetuam elemosinam totum pratum meum in Lanedistithes quod vocatur Tenstang in territorio de Normanby cum omnibus pertinentiis et aisiamentis ad predictum pratum pertinentibus tenendum libere et quiete pacifice et integre sicut aliqua elemosina liberius viris religiosis conferri potest Et ego Iohannes et heredes mei predictum pratum cum pertinentiis dicto conventui warantizabimus et defendemus et de omnibus que ad predictum pratum pertinent erga omnes acquietabimus inperpetuum Et ad huius rei maiorem securitatem presens scriptum sigilli mei inpressione corroboravi Hiis testibus []
Source (click image below to view full size)
