Charter Document - 05621109
| Charter Number: | 05621109 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Gift |
| Date: | 1175 - 1225 |
| Date type: | Assigned |
| Resource Link(s): |
|
Charter:
Sciant presentes et futuri quod ego Sibilla de Lisewis pro anima Lamberti domini mei et mea et animabus omnium antecessorum meorum dedi et hac mea carta confirmavi Deo et beate Marie et conventui de Alvingham ad usum monialium in infirmatorio lecto doloris detentarum illas tres partes unius bovata terre in territorio de Withkale que fuerunt Golle filii Gerardi cum tofto eiusdem Golle et cum omnibus pertinentiis suis in prato et pastura et omnibus ceteris aisiamentis Dedi etiam predicto conventui Galfridum Ka cum catallis suis et cum posteritate ab eo eventura a progenie in progeniem tenenda et habenda de donatione mea libera et quieta de omni terreno servitio et seculari exactione sicut carta domini mei Lamberti testatur quam mihi de predicta terra dedit Ut cui hec predicta darem donatio mea rata et stabilis perseveret in perpetuum et sicut carta confirmationis domini Ranulphi de Wythkale qua mihi hec predicta confirmavit testatur ut donatio mea cui vellem rata et libera inperpetuum perseveret faciendo tam forinsecum servitium Ranulpho de Withkale et heredibus suis quantum ad predictam terram pertinet Hiis testibus []
Source (click image below to view full size)
