Charter Document - 05621094
| Charter Number: | 05621094 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Gift |
| Date: | 1267 - 1274 |
| Date type: | Assigned |
| Resource Link(s): |
|
Charter:
[U]niversis Cristi fidelibus presentibus et futuris Thomas filius Roberti civis Linc salutem Noverit universitas vestra me concessisse et dedisse et hac presenti carta confirmasse pro me et heredibus meis inperpetuum priori et conventui beate Marie de Alvingham et cui dare vel assignare voluerint pro duodecim marcis sterlingorum quas michi per manibus dederunt unum toftum cum muris edificiis et omnibus suis pertinentiis quod Galfridus le Mercer aliquando tenuit in suburbio Linc in parochia sancti Augustini et iacet inter terram predictorum prioris et conventus versus occidentem et terram quam Yvo corduanarius de Linc de fratribus Hospitali sancte Katerine Linc et terram Roberti clerici versus austrum cum tota sua latitudine ubique sicuti illud tenui et cum tota sua longitudine a via regia de Botewerk versus austrum continentem quinquaginta sex ulnas et dimidiam et pollices totidem Volo et concedo pro me et heredibus meis predictis priori et conventui et suis omnibus liberam a capite australi tofti sui usque ad communem aquam versus australem per toftum meum quod abbuttat super predictum toftum suum cum libero introitu et exitu ad omnia et singula sua necessaria facienda portanda et carianda exceptis carris et carectis Hec vero omnia et singula predicta cum muris edificis et omnibus suis aliis pertinentiis et aisiamentis habeant et teneant prefati prior et conventus et sui successores de me et heredibus meis in liberam puram et perpetuam elemosinam solutam et quietam ab omnibus secularibus servitiis consuetudinis exactionibus sectis curiarum et terrenis demandis que sunt aut que de aliquo tenemento exigi poterunt Et ego vero predictus Thomas et heredes mei omnia et singula predicta prefatis priori et conventui et suis successoribus vel assignatis de [omnibus] et contra omnes warantizabimus defendemus et acquietabimus in liberam et puram elemosinam inperpetuum In cuius rey testimonium presenti carte sigillum meum apposui Hiis testibus Willelmo de Holgat tunc maiore Linc Thoma de Bellofago Rogero filio Benedicti Nicholao Munde Osberto filio Egidei Iordano fratre eiusdem Iohanne de Solario Iohanne de Luda Radulfo de Lindewod civibus Linc et aliis
Source (click image below to view full size)
